Concerto de Marful!!!!!!

Pois sim, este sábado 29 de Maio, no Auditório Municipal do Carvalhinho, actuará Marful às 19:00 horas num concerto em apoio ao meninos saharauis e as famílias que os acolhem na Galiza.

O buzio marfuliano

Outro presente mais para este clube de fans: o buzo que Ugia usa no videolipe do "Pasodoble universal" explicado polo seu autor.

BÚZIO MARFUL
g o n z a l o v á z q u e z

Este vestiario, creado exclusivamente por GV para Marful, partiu basicamente de dúas claves semánticas centrais: a evolución-cambio e a viaxe, reinterpretando esta última como unha viaxe polo mar (que une e non separa), pero unha viaxe por debaixo da superficie, que fixo que este fose rapidamente bautizado con sabor salgado co nome de “búzio marfuliano”, ademais de polo contido por evidentes cuestións de forma.
Foi creado en xaneiro de 2010 con ocasión da participación de Marful no Celtic Connections celebrado en Escocia, onde Glasgow se converteu por uns días na capital mundial da música folk e a onde o grupo asistiu como representante de Galicia, xunto a outros grandes grupos e artistas do mundo enteiro.
Na cotiá forma de traballar de GV, con clara vocación por encher de contido os vestiarios para que estes colaboren profundamente na escena (como o fai na vida mesma), afondamos no significado deste peza e quixemos que se enténdese esta como a revisión dunha Venus contemporánea en clave dionisíaca e con apelido galego, nunha viaxe subacuática ao modo de Manuel Antonio en dignas mans, nun labor pleno do mergullar en negro a un pasado recente e a un pretérito máis afastado do mellor cinema púr dos anos 20, que nos transporta insospeitadamente a lugares alleos.
O xogo lúbrico do erótico e do implicitamente sexual, determinou a forma do colo adaptable (punto) e a súa extensión ata o pubis, apreciable só nas distancias curtas, e matizado pola forma total mediante unha provocada metamorfose da anatomía (apreciable nas distancias escénicas medias-longas), […]. Este vestiario, ademais, vai acompañado dunha pequena alfaia-escultura de metal, ao modo dunha pequena escafandra poética que remata positivamente todo o vestiario e da que falaremos no seguinte apartado deste dossier.
Este vestiario podería ser un “búzio” lícito nun Nautilus reapropiado, máis parecido ao de Verne que ao do Prestige, e que como aquel nos pasearía por Rande para „imaxinar‟ fastuosos galeóns afundidos, para despois transportarnos –case oniricamente e de xeito amfibio- a unha exuberante fragmentariedade do espazo e do tempo, como precisamente fai o primeiro sinxelo de Marful, Pasodoble Universal.
É así e así ten que ser, porque na estirpe musical e literaria do mar, evidentemente presente nos chans e clans da Arousa, este vestido quérenos rescatar dun profundo silencio de contrabando histórico nas beiras do Miño, que musicalmente defende a lingua, con honra de ultra-arraiana, de Ugia Pedreira.

Gonzalo Vázquez

Comentários na Internet

Seguem as petiçons de novo disco pola internet, esta vez na página de Galileo-MC:

Sonhamos acordados (Cedeira)
Escutamos en Girona e, mais uma vez, sonhamos acordados.


xacobeo (rodrigo)
que marful solo pueda realizar un único concierto en la programación del xacobeo es una verguenza, pues este grupo deberia recorrer todo el camino y así mostrar la inteligencia y frescura del arte gallego de la música.

som de mais (silva)
gosto de mais. o galego-português volta a nascer com Marful com mais valor e universalidade

flipamos (mariló)
adoramos flipamos gostamos veneramos esperamos confiamos nun novo disco que nos calme e nos axude a levar mellor o tempo vos sodes capaces de facer fuxir os malos espíritus

Quinto presente

Seguem as notícias

Esta vez foi no xornal, onde nos lembram as colaboraçons de luxo que vai haver no novo disco, além dos já conhecidos Luis Alberto Legido e Xacobe Martínez, família marfuliana, também participaram o trompetista David Herrington, o sanfonista -que nesta ocasiom toca a serra-, Germán Díaz, o violinista Quim Farinha, o pianista cubano Alejandro Vargas, o contrabaixista também cubano José Manuel Díaz e o violinista Diego Galaz.

Quase nada!

Mais novidades sobre o novo disco

Agora no Diario de Ponte Vedra, nom vos perdades este artigo que segue dando novidades, cada vez mais, o gosto na boca e o desejo de tê-lo já entre os ouvidos.

Quarto presente

Olhade este fermoso artigo em El País, assinado por Teresa Cuíñas. Na verdade, além da informaçom suculenta que oferece e que nos fai ter vontade de mais, identificamo-nos muito com a perspectiva da autora.

E como quarto presente, estas fotos dalguns dos momentos em que se foi cozinhando este disco novo:

Nós nom estivemos...

... mas os nossos reporteiros e reporteiras repartem-se por toda a geografia galega e estrangeira para trazer-nos imagens do importante.

Pois sim, podemos oferecer-vos estas imagens do concerto de Ponte Vedra porque o clube de fans chega a toda a parte onde esteja Marful, se nom é em corpo, é em alma e coraçom.

Como sempre, vedes aos Pablo e Pedro Pascual, Marcos Teira e Ugia, os nossos Marful. À bateria

Luis Alberto Legido como sempre, e ao contrabaixo Alfonso Calvo. A roupa tam especial de Ugia deve-se a Gonzalo Vázquez.

Terceiro presente

Sim, ainda nom temos disco novo mas já podemos fazer boca com o que será a sua nova estética, a sua nova forma de entendê-lo.

Na página oficial tedes uma cançon de mostra, só para fazer água na boca, e também no myspace podedes ver por onde vam estas viagens novas dos nossos favoritos, nom o perdades.

Ahhh!! Ainda nom acabaram os presentes, nom nos perdades de vista!

Segundo presente

Temos concerto!!!
O 27 de Março no Pazo da Cultura de Ponte Vedra, alguém o vai perder?

Primeiro presente

Sim, já sabemos, há muito tempo que nom aparecemos por cá. Mas a verdade, a verdade é que só passamos tanto tempo em silêncio porque vos estávamos preparando um presente de altura. Na realidade, vários presentes de altura.
Vamos começar polo primeiro, em exclusiva para o clube de fans. Se pensávades que os nossos músicos favoritos eram artistas apenas nesse campo, o da música, hoje vamos-vos mostrar que nom. Som simplesmente artistas, assim, sem apelidos. E para que vejades, deixamos-vos as imagens que os olhos de dous deles foram escolhendo na sua viagem a Escócia. Esta é a visom pessoal do Pedro Pascual e a Ugia pola cidade de Glasgow, na viagem e no espírito.

Olha o Pedro Pascual:



E isto é o que ve:

As formas, a metáfora da geometria em diversas maneiras:






A cidade e a súa particular visom:








E talvez, em Glasgow, talvez na Galiza, talvez em ningures ou em algures, um planeta imaginário:





E por fim, de volta, prévio passo polo Old Fruit Market:








Olha a Ugia:



E isto é o que ve. Vários prédios de arquitecturas que chamam a sua atençom:






Também ve táxis aos que pedir taxi lléveme usted, garrafas na sombra, terras redondas e metálicas e estátuas de unicórnios:






Deixa-nos assomar-nos no concerto mostrando o atrezzo que levará ao cenário e os seus companheiros com o técnico de som, o Triki:




Góstastes? Pois estade atentas e atentos, porque temos muitos mais presentes para vós.