segunda-feira, novembro 14, 2011

E o 17 a Narom

















Nom há escusa, para quem perdeu a sua oportunidade em Ponte Vedra, tem uma nova esta semana em Narom, é o 17 às 20.30 horas no Pazo da Cultura de Narom.

Mas quem nom pode estar de forma real, em carne e osso, sempre podem deixar voar a sua enveja com estas fotos e esta recriaçom do concerto de Ponte Vedra.

Lá, Marful foi mais uma vez uma oportunidade de seduçom, uma entrega apaixonada e audaz, como corresponde à paixom e a audácia dos marfules.
Aqui vos deixo uma crónica escrita e fotográfica (com fotos de Fabio Arias) do que ali aconteceu:

As palavras desde o palco figerom referência ao amor sem hipotecas, ao amor cheio de fantasia que luita contra as monotonias e costumes. Voltou-se a nomear a teoria Pedreira sobre o Conismo é dizer, fazer o que a uma lhe saia da Cona que é ouro líquido e nom "xaula" ( vale chicas!!!!). Falou de Marim e da cançom interpretada por Sara Montiel, "Eu de Marín ausenteime". Do Leverelem como aquel manifesto que a Rasga portuguesa (ou galega) nom aceitou por demasiada retranca e pouca evidência. Do idioma francês como língua do amor junto com o galego e agradecendo ao galego que nom estivera em França pois Paris jà o teria massacrado como o galo ou o bretom.

quarta-feira, novembro 02, 2011

Todas a Ponte Vedra

Este sábado 5 de novembro chega um evento esperadíssimo. Marful apresenta o seu Manual de sedución no Pazo de Congresos de Ponte Vedra às 21:00 horas.

E para que vaiades fazendo boca, aqui tedes algumas fotos do ensaio para este concerto com os Marful e Leandro Detell na bateria, Iván García na guitarra, e como sempre, Xacobe Martínez no contrabaixo.







Se queres estar segura de ter o teu lugar, compra já as entradas aqui.

terça-feira, setembro 20, 2011

Bom gosto nas provas de selectividade

terça-feira, agosto 30, 2011

Marful em Salvaterra


Nom esqueçades, este sábado 3 de setembro em Salvaterra, no Festival de poesía do condado, concerto de Marful.

sábado, julho 16, 2011

Fermosas Fotos



Remitem-nos umas fermosas fotografias do concerto de Ribadeu, de autoría de Antonio García.
Se nom pudestes estar ali desfrutade com este pequeno substituto, se já estivestes, só para lembrar!

sexta-feira, julho 01, 2011

Novo concerto de Marful

Marful vai estar em Ribadeo, o plano perfeito vai ser passar o dia nas fermosas praias da Marinha lucense e acabá-lo com a música fantástica de Marful.
Será o 9 de Julho, sábado, nom o perdades!

quarta-feira, junho 08, 2011

Actualizaçom de datas

Nom as perdades, sempre há alguma que fica perto e é uma experiência incomparável, Marful ao vivo em:

21 de junho. Lugo.

1 de julho. Ribadavia.

17 de julho. Viana do Castelo.

4 de agosto. Celanova.

6 de agosto. Ribadeo.

13 de agosto. Verim.

14 de agosto. Sada.

5 de novembro. Ponte Vedra.

17 de novembro. Narom.

sexta-feira, maio 13, 2011

Cousas bonitas II














E também, por licença dum fam, as fotos do concerto do 30 de Abril em Compostela, uma pequena mostra da maravilha do show:

Cousas bonitas I

Hoje preparade-vos porque aqui vam algumas entradas das cousas bonitas que passam ao redor de Marful, essa é a seduçom, criar e inspirar outras para criar.
Primeiro, os poemas:


Para Ugia Pedreira, Pablo e Pedro Pascual, e Marcos Teira,
no agradecimento desta nocturna energia convulsa.

Movem-se os pequenos corpos alados do coração:
Assombrado país de música a ocupar as vértebras
Resgatadas de um plenilúnio de sons, alegria porosa de
Fremir nos prédios acendidos da noite em carne viva.
Uma eternidade nos sorri enquanto bailamos, aturdidos
Levemente na pura embriaguez do licor dos amantes.

Outubro de 2010.

E com acróstico incluído, mais um:

Mãe arquitecta de palavras como punhos,
Arousã devota dos abalos do mar,
Rosa sem espinhas, quer dizer, camélia,
Fanática de aquele que a apreendeu a chorar.
Última diva com voz de alvorada
Louvada sejas por sempre, irmã.

jose luis do pico orjais (compositor de menina do primeiro disco / quem nos passou "esta noite serenou" no segundo/

segunda-feira, maio 02, 2011

O próximo, em Carvalho

Pois quem o perdeu este sábado em Santiago de Compostela, pode tentá-lo no próximo sábado 7 de maio em Carvalho, no Auditório às 21:00 horas.
E depois, isto:

1. LUGO. Praça de Santa María. 21 de junho.
2. RIBADAVIA. 1 de julho.
3. VIANA DO CASTELO. 17 de julho.
4. CELANOVA. Claustro do Convento. 3-4 de agosto.
5. RIBADEO. 6 de agosto.
6. VERIM. 13 de agosto.
7. SADA. 14 de agosto.
8. PONTE VEDRA. 5 de novembro.
7. NARÓN. Auditório. 17 de novembro.

Permanecede atentas às mudanças nesta página ou na página oficial do grupo.

quarta-feira, abril 27, 2011

Pérolas poéticas

Enquanto as fans nos pelejamos com a bilheteira online de Caixa Galicia (toda uma odisseia para comprar entradas online, impossível de fazer, esperamos ter entradas quando cheguemos lá),
vós podedes desfrutar duma pérola poética que aparece na página de GV. Ali nos adiantam alguma das surpresas para este concerto de Marful do Sábado 30 de Abril.
Vemo-nos lá!

sexta-feira, abril 15, 2011

Ainda nom comprastes?

Se ainda nom comprastes a entrada para o concerto de Marful nom sei a que estades esperando. Podedes comprar aqui.
E se alguém tem a pouca fortuna de nom poder acompanhar-nos esse dia, que nom se desespere, estas som todas as opçons:

1. SANTIAGO DE COMPOSTELA. Auditorio de Galicia. 30 de Abril.
2. CARBALLO. Auditorio. 7 de maio.
3. LUGO. Praza de Santa María. 21 de Junho.
4. RIBADAVIA. 1-3 de Julho
5. VIANA DO CASTELO. 15 de julho.
6. CELANOVA. Claustro do Convento. 3-4 de agosto
7. SADA. 14 de agosto.
8. XIXÓN. 16 de agosto.
9. CARBALLO. Praza do Concello. 19 de Agosto
10. NARÓN. Auditorio. 17 de novembro.

domingo, abril 10, 2011

Já à venda

Nom o duvidedes, já podedes comprar as entradas para o concerto de Marful em Santiago de Compostela, o dia 30 de Abril.
Clica aqui e compra-a já!

sexta-feira, abril 01, 2011

JÁ CHEGOU

domingo, março 20, 2011

Preparem-se!!!!

Gente, fanáticos e principiantes, preparam-se para percorrer a geografia da Galiza seguindo a Marful! Estas som as datas e estes os lugares, atentas a esta página que iremos actualizando: 30 abril auditorio Santiago 7 maio 20.00h auditorio de Carballo 21 xuño Lugo

domingo, fevereiro 20, 2011

Na imprensa

Nom perdades esta entrevista en Interfolk.

terça-feira, fevereiro 08, 2011

Muuuuitas novidades

Na página de Ábrete de orellas fam este lindo comentário do Manual de sedución:

Finalmente recibimos a continuación do seu debut de 2006, aquel álbum que significara para a música feita en Galiza toda unha revolución musical. Até entón non gozáramos dunha mestura musical de tal calidade interpretativa, cunhas letras poéticas cos seus puntos axeitados de retranca e unha coidada posta en escea e teatralidade. Ugía Pedreira, Marcos Teira, Pedro Pascual e Pablo Pascual regresan con calma nuns tempos nos que prima o inmediato, o efímero e o consumo rápido. Eles traballan e crecen día a día, escoitando, viaxando, participando noutros proxectos e mesmo impartindo clase na Central Folque e iso reflíctese no novo disco. O álbum fai honor ao seu título e actúa como a sedución: aos poucos, sen présas, con máis variedade instrumental e máis detalles, pero sen arredarse desas referencias populares tanto galegas coma doutras latinidades, chámense twist, jazz, slow, swing, pasodobles, music-hall, jotas, mambos, ou o que o instinto e a creatividade lles pida. Porén, está presente o risco da espesura ou a dispersión co abuso dos cambios de ritmo nunha mesma peza, sacrificando a asimilación case-inmediata, esa concreción propia da música popular. E iso acontece en varias ocasións, como na peza que abre, "Santa Candela", que é un bo resumo dos mencionados puntos. Aparte da calidade interpretativa dos músicos, adoitan saír airosos en boa parte grazas á ben acaída dose de teatralidade e carisma que suma Ugía á súa recoñecida arte coma vocalista. Así, case unha hora de Marful dá para moito e ás veces tan bo como "Jota valseada para Frank Sinatra", "Esta noite serenou", "Airiños Mambo" ou "Tres peixes". Ademais dos moitos e reputados colegas músicos que achegaron a súa arte á gravación, no extramusical tamén coidan os detalles: Misha Bies Golas deseñou o CD, O Pastor fixo as fotos e Gonzalo Vázquez vestiu os músicos. Personalmente, eu deixaríame seducir por un disco que premia un chisco de atención e paciencia. Páxina do seu clube de fans. MySpace. Pepe Cunha.

E na página da imperdível, já podedes comprar o cd pola web, uma possibilidade mais!!!
Ficade atentas, seguiremos informando.